രക്ഷിക്കപ്പെടുന്നത് എങ്ങനെ
നിങ്ങള്ക്കു എങ്ങനെ നരകത്തില് നിന്നു രക്ഷിക്കപ്പെടാം, നിങ്ങളുടെ പാപങ്ങളില് നിന്നു രക്ഷിക്കപ്പെടാം, മരണത്തില് നിന്നും, രോഗത്തില് നിന്നും, ദോഷത്തില് നിന്നും എങ്ങനെ രക്ഷിക്കപ്പെടാം എന്നു നിങ്ങളോടു പറയുവാന് ഞാന് ആഗ്രഹിക്കുന്നു. വേദപുസ്തകം പറയുന്നത്, “യേശുക്രിസ്തു പാപികളെ രക്ഷിപ്പാന് ലോകത്തില് വന്നു എന്നുളളത് വിശ്വാസ്യവും എല്ലാവരും അംഗീകരിപ്പാന് യോഗ്യവുമായ വചനം തന്നേ” (1 തിമൊ 1:15)എന്നാണ്.
വേദപുസ്തകം “ദൈവം തന്റെ പുത്രനെ ലോകത്തില് അയച്ചതു ലോകത്തെ വിധിപ്പാനല്ല. ലോകം അവനാല് രക്ഷിക്കപ്പെടുവാനത്രേ” (യോഹ 3:17) എന്നു പറയുന്നു.
പത്രോസ് പറഞ്ഞത്! “കര്ത്താവിന്റെ നാമം വിളിച്ചപേക്ഷിക്കുന്നവന് ഏവനും രക്ഷിക്കപ്പെടും” (അ.പ്ര.2:21) എന്നാണ്. നിങ്ങള്ക്കും ഇന്നു രക്ഷിക്കപ്പെടാം. അതാണ് നിങ്ങള്ക്കാവശ്യം രക്ഷിക്കപ്പെടണം. യേശുവിനെ സ്വന്തരക്ഷിതാവായി അറിയണം. പക്ഷെ രക്ഷിക്കപ്പെടുകയെന്നാല് എന്താണര്ത്ഥമാക്കുന്നത്?
1. ഉയരത്തില്നിന്നുളള ജനനം
രക്ഷിക്കപ്പെടുക എന്നാല് ഉയരത്തില് നിന്നു ജനിക്കുക (വീണ്ടും ജനിക്കുക) ദൈവത്തിന്റെ ഒരു പൈതലാകുക എന്നാണര്ത്ഥം.”നിങ്ങള് പതുതായി (ഉയരത്തില് നിന്നു) ജനിക്കണം.” (യോഹ 3:7)എന്ന് യേശു പറഞ്ഞു. നിങ്ങളുടെ സ്വാഭാവിക ജനനത്തിന്റെ അല്ലെങ്കില് ഭൗമിക ജനനത്തിന്റെ എതിര്ഭാഗമായി ഒരു സ്വര്ക്ഷീയമായ അല്ലെങ്കില് ആത്മീകമായ ജനനം നിങ്ങള്ക്കു അനുഭവമാകണം എന്നാണിതിന്റെ അര്ത്ഥം. ഇത് അത്ഭുതകരമായ ഒരു ജനനമാണ്.
ക്ഷണിക്കപ്പെടുമ്പോള് ക്രിസ്തു യഥാര്ത്ഥമായി വന്ന് നിങ്ങളില് വസിക്കുകയും നിങ്ങളില് ജീവിക്കുന്നതുകൊണ്ട് നിങ്ങളെ പുതുതാക്കുകയും ചെയ്യുന്നു. അവന് നിങ്ങളില് ജീവിക്കാന് തുടങ്ങുന്നു. ഇതു ഒരു മതം സ്വീകരിക്കുകയല്ല. ഇത് കര്ത്താവിനെ സ്വീകരിക്കുകയാണ്. അവന് ഒരു വ്യക്തിയാണ്. ഒരു തത്വശാസ്ത്രമല്ല. അവന് ഒരു യാഥാര്ത്ഥ്യമാണ്. ഒരു സിദ്ധാന്തമല്ല.
നിങ്ങള് വിവാഹം കഴിക്കുമ്പോള് ഒരു ഭര്ത്താവിനെയോ, ഭാര്യയേയൊ നിങ്ങള് ജീവിതത്തിലേക്കു സ്വീകരിക്കുകയാണ്. നിങ്ങള്ക്കു വിവാഹമതമല്ല ലഭിക്കുന്നത്. നിങ്ങള് വേറൊരാളെയാണ് സ്വീകരിക്കുന്നത്. ഒരു ജീവിതപങ്കാളിയെ.
കര്ത്താവിനെ സ്വീകരിച്ചു നിങ്ങള് രക്ഷിക്കപ്പെടുമ്പോള് നിങ്ങള്ക്കു ക്രിസ്തീയ മതമല്ല ലഭിക്കുന്നത്- ഒരു വ്യക്തിയെ, കര്ത്താവായ യേശുവിനെ ആണ് നിങ്ങള് സ്വീകരിക്കുന്നത്.
യേശുക്രിസ്തുവിനെപ്പറ്റി വേദപുസ്തകം പറയുന്നത്: “അവനെ കൈകൊണ്ടു അവന്റെ നാമത്തില് വിശ്വസിക്കുന്ന ഏവര്ക്കും ദൈവമക്കള് ആകുവാന് അവന് അധികാരം കൊടുത്തു”. (യോഹ1:12)
2. പാപങ്ങള് മോചിക്കപ്പെട്ടിരിക്കുന്നു.
രക്ഷിക്കപ്പെടുക എന്നാല് നിങ്ങളുടെ പാപങ്ങള് ക്ഷമിക്കപ്പെട്ടിരിക്കുന്നു എന്നാണര്ത്ഥം.
“അവന് നിന്റെ അകൃത്യം ഒക്കെയും മോചിക്കുന്നു.” (സങ്കീ 103:3) എന്നു വേദപുസ്തകം പറയുന്നു.ദൂതന് പറഞ്ഞു: “അവന് തന്റെ ജനത്തെ അവരുടെ പാപങ്ങളില് നിന്നും രക്ഷിപ്പാനിരിക്ക കൊണ്ടു നീ അവനു യേശു എന്നും പേരിടണം”. (മത്താ 1:21)
ദൈവം, “ഞാന്, ഞാന് തന്നേ നിന്റെ അതിക്രമങ്ങളെ മായിച്ചുകളയുന്നു.—” (യെശ 43:25) എന്നും “അവരുടെ പാപങ്ങളെയും അകൃത്യങ്ങളെയും ഞാന് ഇനി ഓര്ക്കയുമില്ല” (എബ്രാ 10:17) എന്നും”ഉദയം അസ്തമയത്തോടു അകന്നിരിക്കുന്നതുപോലെ അവന് നമ്മുടെ ലംഘനങ്ങളെ നമ്മോടു അകറ്റിയിരിക്കുന്നു” (സങ്കീ 103:12) എന്നും പറയുന്നു.
3. പുതിയ ജീവന് ലഭിക്കുന്നു
രക്ഷിക്കപ്പെടുക എന്നതുകൊണ്ട് അര്ത്ഥമാക്കുന്നത് ഒരു പുതിയ ആത്മീക കുടുംബവും വംശാവലിയും ലഭിക്കുക എന്നതാണ്.
പൗലോസ് “ഒരുത്തന് ക്രിസ്തുവിലായാല് അവന് പുതിയ സ്യഷ്ടി ആകുന്നു; പഴയതു കഴിഞ്ഞുപോയി, ഇതാ, അതു പുതുതായി തീര്ന്നിരിക്കുന്നു”. എന്നു 2കൊരി 5:17 ല് പറയുന്നു.
കര്ത്താവു നിങ്ങളെ രക്ഷിക്കുമ്പോള് അതാണ് കൃത്യമായും നടക്കുന്നത്. ഒരു പരിവര്ത്തനം സംഭവിക്കുന്നു. പഴയ ആഗ്രഹങ്ങളും, ശീലങ്ങളും, രോഗങ്ങളും നീങ്ങിപ്പോകുന്നു. എല്ലാ കാര്യങ്ങളും പുതുതാകുന്നു.നിങ്ങള്ക്കു ഒരു പുതിയ ജീവന് ലഭിക്കുന്നു. ഒരു പുതിയ സ്വഭാവം, പുതിയ മനോഭിലാഷങ്ങള്, നിങ്ങള്ക്കു ക്രിസ്തുവിന്റെ ജീവന് ലഭുക്കുന്നു.
യേശു പറഞ്ഞു: “അവര്ക്കു ജീവന് ഉണ്ടാകുവാനും സമൃദ്ധിയായിട്ടു ഉണ്ടാകുവാനും അത്രേ ഞാന് വന്നിരിക്കുന്നത്.” (യോഹ10:10)
4. സമാധാനം ലഭിക്കുന്നു.
രക്ഷിക്കപ്പെടുക എന്നാല് സമാധാനം ലഭിക്കുക എന്നാണ് അര്ത്ഥം.
യേശു പറഞ്ഞു: “സമാധാനം ഞാന് നിങ്ങള്ക്കു തന്നേച്ചു പോകുന്നു; എന്റെ സമാധാനം ഞാന് നിങ്ങള്ക്കു തരുന്നു”(യോഹ14:27)
“നിങ്ങള്ക്കു എന്നില് സമാധാനം ഉണ്ടാകേണ്ടതിന്നു ഇതു നിങ്ങളോടു സംസാരിച്ചിരിക്കുന്നു.”(യോഹ16:33)
കര്ത്താവിന്റെ ക്ഷമയും രക്ഷയും ലഭിക്കുമ്പോള് മാത്രമേ യഥാര്ത്ഥസമാധാനം കൈവരികയുളളു. പാപത്തില് നിങ്ങള്ക്കു നിങ്ങളുടെ ആത്മാവില് ഒരിക്കലും സമാധാനം അനുഭവിക്കുവാന് സാധിക്കുകയില്ല.
വേദപുസ്തകം പറയുന്നത്, “ദുഷ്ടന്മാര്ക്കു സമാധാനമില്ല എന്നു എന്റെ ദൈവം അരുളിചെയ്യുന്നു.” (യെശ 57:21) എന്നാണ്.
5. ദൈവത്തോടുളള കൂട്ടായ്മ
രക്ഷിക്കപ്പെടുക എന്നാല് ദൈവത്തോടു കൂട്ടായ്മ ഉണ്ടാകുക എന്നര്ത്ഥമാകുന്നു. അവനോടു കൂടെ നടക്കുകയും അവനോടു സംസാരിക്കയും ചെയ്യുന്നതിനായിട്ടാണ് നിന്നെ ദൈവത്തിന്റെ സ്വരൂപത്തില് സൃഷ്ടിച്ചത്. പക്ഷെ നിന്റെ പാപങ്ങള് നിന്നെ ദൈവത്തിനോടുളള കൂട്ടായ്മക്കു പകരം നീ ദൈവത്തെ ഭയപ്പെടുന്നു.അവനെ നേരിട്ടുകാണേണ്ടി വരുമെന്ന ചിന്ത നിന്നില് ഭീതി സൃഷ്ടിക്കുന്നു. നിന്റെ പാപങ്ങള് നിന്നെ കുറ്റം വിധിക്കുകയും ദൈവത്തിന്റെ സന്നിധിയില് നീ ഒരു അപരാധിയാണെന്ന ബോധം നിന്നില് സൃഷ്ടിക്കുകയും ചെയ്യുന്നു.
ക്രിസ്തുവിനു മാത്രമേ നിന്റെ പാപത്തില് നിന്നും നിന്നെ രക്ഷിക്കുവാന് കഴിയുകയുളളു. അവന് നിന്റെ പാപക്കറകള് എല്ലാം തുടച്ചു നീക്കി നിന്നെ തിരികെ ദൈവസന്നിധിയിലേക്കു ഇതുവരെയും പാപം ചെയ്തിട്ടില്ലാത്ത ഒരാളെപ്പോലെയുളള ഒരു നിര്മ്മല രേഖയുമായി കൊണ്ടുവരും.
അപ്പോള് യോഹന്നാന് അപ്പൊസ്തലനോടു ചേര്ന്നു നിനക്കു ഇപ്രകാരം പറയാം. “ഞങ്ങളുടെ കൂട്ടായ്മയോ പിതാവിനോടും അവന്റെ പുത്രനായ യേശുക്രിസ്തുവിനോടും ആകുന്നു!” (1യോഹ1:3)
രക്ഷിക്കപ്പെട്ടിരിക്കുന്നു എന്ന് എങ്ങനെ അറിയാന് കഴിയും
യോഹന്നാന് പറഞ്ഞു “നാം മരണം വിട്ടു ജീവനില് കടന്നിരിക്കുന്നു എന്ന് സഹോദരന്മാരെ സ്നേഹിക്കുന്നതിനാല് നമുക്കു അറിയാം”. (1യോഹ3:14)
ഈ ലോകത്തില് നിങ്ങള് ഒരിക്കലും അറിയുവാന് ഇടയില്ലാത്ത അനവധി കാര്യങ്ങള് ഉണ്ട്. എന്നാല് ക്രിസ്തുവിന്റെ ജീവന് നിങ്ങളിലുണ്ട് എന്നു നിങ്ങള്ക്കു അറിയുവാന് കഴിയും. നിങ്ങള് രക്ഷിക്കപ്പെട്ടിരിക്കുന്നു എന്നു നിങ്ങള്ക്കു അറിയുവാന് കഴിയും.
ഞാന് രക്ഷിക്കപ്പെടുവോ എന്നു തീര്ച്ചയായി എനിക്കു അിറഞ്ഞുകൂടാڈ എന്നു പറയുന്നത്, ഒരു ഭര്ത്താവോ ഭാര്യയോ ‘ഞാന് വിവാഹം കഴിച്ചിട്ടുണ്ടോ എന്നു തീര്ച്ചയായി അിറഞ്ഞുകൂടാ’ എന്നു പറയുന്നതുപോലെയാണ്.
യേശു പറഞ്ഞു; “വിശ്വസിക്കുകയും (സുവിശേഷം) സ്നാനം ഏല്ക്കുകയും ചെയ്യുന്നവന് രക്ഷിക്കപ്പെടും.” (മര്ക്കൊ 16:16)
പൗലോസ് പറഞ്ഞു; “യേശുവിനെ കര്ത്താവെന്നു വായികൊണ്ടു ഏറ്റു പറയുകയും ദൈവം അവനെ മരിച്ചവരില്നിന്നു ഉയിര്ത്തെഴുന്നേല്പ്പിച്ചു എന്നു ഹൃദയംകൊണ്ടു വിശ്വസിക്കുകയും ചെയ്താല് നീ രക്ഷിക്കപ്പെടും” (റോമ 10:9)
ഈ വേദഭാഗം പറയുന്നത് നീ “രക്ഷിക്കപ്പെടും” എന്നാണ്.
അതിനെ പിന്തുടരുക, അതുപറയുന്നതു ചെയ്യുക, നീ കര്ത്താവിനെ സ്വീകരിച്ചു എന്നു നിനക്കറിയാന് കഴിയും. നീ മരണം വിട്ട് ജീവനിലേയ്ക്കു കടന്നു എന്നും, നീ രക്ഷിക്കപ്പെട്ടു എന്നും അറിയുവാന് കഴിയും. ഇതു ഒരു മതം സ്വീകരിക്കുകയല്ല ഇതാണ് ക്രിസ്ത്യാനിത്വം- ക്രിസ്തു ജീവിതം.
ഒരു യഥാര്ത്ഥ ക്രിസ്ത്യാനി ആരാണ്?
വേദപുസ്തകപ്രകാരം ഒരു യഥാര്ത്ഥ ക്രിസ്ത്യാനി
1. പാപം ഏറ്റുപറഞ്ഞ ആളാണ്
അവന് ദൈവത്തിന്റെ അടുക്കല് ഒരു നഷ്ടപ്പെട്ട പാപിയായി വന്നവനാണ്.
2. യേശുവിനെ സ്വീകരിച്ചവനാണ്
വിശ്വാസത്താല് സ്വന്തരക്ഷിതാവായി കര്ത്താവായ യേശുക്രിസ്തുവിനെ കര്ത്താവു ഉടയവനുമായി സര്വ്വാത്മനാ അംഗീകരിച്ചു.
3. കര്ത്താവിനെ സാക്ഷിച്ചവനാണ്
ലോകത്തിനുമുമ്പാകെ അവന് ക്രിസ്തു കര്ത്താവാണെന്നു സാക്ഷിച്ചവനാണ്.
4. യേശുവിനെ പ്രസാദിപ്പിക്കുന്നതിന് ആഗ്രഹിക്കുന്നവനാണ്.
എല്ലാകാര്യങ്ങളിലും എന്നും യേശുവിനെ പ്രസാദിപ്പിക്കുന്നതിന്നു ശ്രമിക്കുന്നു.