രക്ഷയുടെ ഫലങ്ങള്
നമ്മുടെ രക്ഷയുടെ ഫലങ്ങള് മാനസാന്തരവും വീണ്ടെടുപ്പുമാണ്.
“മാനസാന്തരപ്പെടുക” എന്നാല് ഒരു വഴിയില് നിന്നു മറ്റൊന്നിലേക്കു തിരിയുക എന്നാണ്. ദൈവത്തിന്റെ കൃപയാല് നാം മരണത്തിന്റെ വഴിയില് നിന്നും അവന്റെ ജീവന്റെ വഴിയിലേയ്ക്കു തിരിഞ്ഞുകഴിഞ്ഞു. നമ്മുടെ പാപവും അനുസരണക്കേടും കൊണ്ടു ഒരിക്കല് നാം അവനില് നിന്നും “അകന്നു പോയിരുന്നു”, അല്ലെങ്കില് “വേര്പ്പെട്ടിരുന്നു”. ക്രിസ്തുവില് നാം “വീണ്ടെടുക്കപ്പെട്ടു”. അല്ലെങ്കില് ദൈവത്തിന്റെ പ്രിയപ്പട്ടതും രാജകീയമായതും ആയ കുടുംബത്തിന്റെ കൂട്ടായ്മയിലേക്കു തിരികെ കൊണ്ടുവരപ്പെട്ടു.
നമ്മുടെ പാപങ്ങള് ക്ഷമിക്കപ്പെടുന്നതിന്നും നിത്യജീവന് ലഭിക്കുന്നതിന്നും ആയി കര്ത്താവിനെ നമ്മുടെ രക്ഷിതാവായി നമ്മുടെ ഹൃദയങ്ങളില് സ്വീകരിക്കേണ്ടതാണ്. എന്നാല് നമ്മുടെ വലിയ രക്ഷയില് ഇനിയും കുറെ കൂടി പ്രാധാന്യം ഉണ്ട്. ക്രിസ്തുവില് നമ്മുടെ പാപങ്ങള് ക്ഷമിക്കപ്പെട്ടിരിക്കുന്നു എന്നുമാത്രമല്ല വേറെ പ്രയോജനങ്ങളും അനുഗ്രഹങ്ങളും നമ്മുക്കു ലഭിക്കുകയും ചെയ്യും. നമുക്കു നല്കപ്പെടുന്നവ.
1. ഒരു പുതിയ ആത്മാവ്
ഞാന് എന്റെ ആത്മാവിനെ നിങ്ങളുടെ ഉളളിലാക്കി നിങ്ങളെ എന്റെ ചട്ടങ്ങളില് നടക്കുമാറാക്കും; നിങ്ങള് എന്റെ വിധികളെ പ്രമാണിച്ചു അനുഷ്ഠിക്കും. (യെഹെ 36:27)
2. ഒരു പുതിയ ജീവന്
ആ സാക്ഷ്യമോ ദൈവം നമുക്ക് നിത്യജീവന് തന്നു; ആ ജീവന് അവന്റെ പുത്രനില് ഉണ്ടു എന്നുളളതു തന്നേ. (1 യോഹ 5:11)
3. ഒരു പുതിയ പേര്
…..യഹോവയുടെ വായ് കല്പിക്കുന്ന പുതിയ പേര് നിനക്കു വിളിക്കപ്പെടും (യെശ 62:2; അപ്ര11:26)
4. ഒരു പുതിയ സ്വഭാവം
ഒരുവന് ക്രിസ്തുവില് ആയാല് അവന് ഒരു പുതിയ സൃഷ്ടി ആകുന്നു. പഴയതു കഴിഞ്ഞു പോയി ഇതാ, അതു പുതുതായിത്തീര്ന്നിരിക്കുന്നു (2 കൊരി 5:17)
5. ഒരു പുതിയ ഹൃദയം
ഞാന് നിങ്ങള്ക്കു പുതിയൊരു ഹൃദയം തരും; പുതിയൊരു ആത്മാവിനെ ഞാന് നിങ്ങളുടെ ഉളളില് ആക്കും. (യെഹെ 36:26)
6. ഒരു പുതിയ മനസ്സ്
………… നിങ്ങളുടെ ഉളളിലെ ആത്മാവു സംബന്ധമായി പുതുക്കം പ്രാപിച്ചു സത്യത്തിന്റെ ഫലമായ നീതിയിലും വിശുദ്ധിയിലുംദൈവാനുരൂപമായി സൃഷ്ടിക്കപ്പെട്ട പുതു മനുഷ്യനെ ധരിച്ചുകൊള്വിന്. (എഫെ 4:23, 24; 1 കൊറി 2:16)
7. ഒരു പുതിയ അധികാരം
ഞാന് നിങ്ങള്ക്കു അധികാരം തരുന്നു. ഒന്നും നിങ്ങള്ക്കു ഒരിക്കലും ദോഷം വരുത്തുകയില്ല. (ലൂക്കൊ 10:19; യാക്കോ4:7)
8. ഒരു പുതിയ കുടുംബം
അവനെ കൈകൊണ്ടു അവന്റെ നാമത്തില് വിശ്വസിക്കുന്ന ഏവര്ക്കും ദൈവമക്കള് ആകുവാന് അവന് അധികാരം കൊടുത്തു (യോഹ 1:12)
9. ഒരു പുതിയ വിളി
നിങ്ങളോ അന്ധകാരത്തില്നിന്നു തന്റെ അത്ഭുത പ്രകാശത്തിലേക്കു നിങ്ങളെ വിളിച്ചവന്റെ സല്ഗുണങ്ങളെ ഘോഷിപ്പാന്തക്കവണ്ണം തിരഞ്ഞെടുക്കപ്പെട്ട ഒരു ജാതിയും, രാജകീയ പുരോഹിതവര്ക്ഷവും, വിശുദ്ധ വംശവും, സ്വന്തജനവും ആകുന്നു.(1 പത്രോസ് 2:9 )
ക്രിസ്ത്യാനി എന്ന നിലയില് നാം സത്യമായിട്ടും വീണ്ടെടുക്കപ്പെടുകയും യഥാസ്ഥാനപ്പെടുകയും ചെയ്തവരാണ്. നാം വിലയ്ക്കു വാങ്ങപ്പെട്ടവരും വീണ്ടും പിതാവിന്റെ പ്രീയമുളള രാജകീയ കുടുംബത്തിലേക്കു തിരികെ കൊണ്ടുവരപ്പെട്ടവരുമാണ്. യുഗങ്ങളായുളള ദൈവിക പദ്ധതിക്കു മാറ്റം വന്നിട്ടില്ല. അവന്റെ പ്രിയ പുത്രനിലൂടെ നമ്മുടെ പാപങ്ങളെ അവന് ക്ഷമിക്കുകയും വീണ്ടും നമ്മെ ശക്തിയും അധികാരവുമുളള ഒരു സ്ഥാനത്ത് ആക്കിവെക്കുകയും ചെയ്തിരിക്കുന്നു.
Leave a Reply